МВР на Србија соопшти дека е пронајдена и спроведена во полициска станица 26-годишната девојка што управувала со автомобилот за време на инцидентот
Дваесет и петгодишна девојка е повредена откако автомобил влета во неа на денешниот протест во Белград.
Инцидентот се случил во населбата Нов Белград кога автомобилот влетал во група луѓе на протестот. Според видеоснимките објавени на социјалните мрежи, девојката била застаната пред автомобилот кој во тој момент не се движел. Автомобилот потоа нагло се придвижува, а девојката од хаубата паѓа на асфалтот.
Повредената девојка е пренесена во Ургентниот центар. Таму била однесена во свесна состојба.
„Дијагностиката е во тек. По завршувањето на прегледот и комплетната дијагностика, јавноста ќе биде информирана за повредите и состојбата на пациентката“,
се вели во соопштението од Клиничкиот центар.
Министерството за внатрешни работи на Србија соопшти дека е пронајдена и спроведена во полициска станица 26-годишната девојка што управувала со автомобилот за време на инцидентот. По наредба на Вишото обвинителство Белград, одреден ѝ е 48-часовен притвор поради сомнение дека сторила кривично дело убиство во обид за време на студентските блокади во населбата Нов Белград.
„М. С. се сомничи дека делото го извршила додека управувала автомобил ‘ситроен’ на тој начин што го стартувала возилото од местото каде што било паркирано и удрила во две лица, од кои едното се здобило со повреди на главата“,
информираа од Вишото обвинителство во Белград.
Сличен инцидент се случи и на минатонеделните протести кога 20-годишна студентка се здоби со тешки повреди откако кон неа влета автомобил за време на протестната блокада во центарот на главниот град на Србија.