Според властите, во моментов 10 зони се под наредба за евакуација, што значи дека постои „непосредна закана по животот“ и жителите мора веднаш да ја напуштат областа. Дополнителни 18 зони се под потенцијална закана и издадено е предупредување за можна евакуација
Шумски пожар гори над дел од Лос Анџелес, уништувајќи домови и предизвикувајќи прекини во сообраќајот. Пожарот е поттикнат од силни ветрови и за неколку часа има зафатено голема површина.
Според пишувањата на светските агенции, 30 илјади луѓе се евакуирани, а најмалку 200 илјади потрошувачи во округот Лос Анџелес се без струја.
Пред пожарот, Националната метеоролошка служба издала предупредување за екстремни услови за пожар во поголемиот дел од округот Лос Анџелес од вторник до четврток, предвидувајќи силни ветрови.
Според локалните власти, условите се исклучително опасни поради комбинацијата со ниската влажност и сува вегетација и недостиг на дожд.
Horrible to see! This is the home we just tried saving with a garden hose. So sorry for this family. Hoping firefighters can get this to slow down. #PalisadesFire #PacificPalisades pic.twitter.com/CQj5uQjcH9
— Matthew Seedorff (@MattSeedorff) January 7, 2025
Гувернерот Гевин Њусом вели дека поради временските предупредувања државата почнала да ги преместува ресурсите за гаснење пожари од северна кон јужна Калифорнија уште во саботата.
„Многу од тој персонал, противпожарни возила и авиони останаа стационирани на друго место во јужна Калифорнија поради опасноста од пожар за поширокиот регион. Се надеваме дека не сме во право, но очекуваме дека ќе се случат и други пожари во исто време“,
додаде тој.
Според локалните власти, пожарникарите не можат да користат воздушни сили за гаснење на пожарот поради силните ветрови.
Firefighters are here now trying to save this home on Via Cresta. We haven’t seen any residents at these homes. Hoping everyone is safe. #PalisadesFire pic.twitter.com/MydwqNIoC4
— Matthew Seedorff (@MattSeedorff) January 7, 2025
Портпаролката на градот вели дека противпожарните екипи се борат со пожарот во Итон, северно од Пасадена, кој зафатил 400 хектари, но екстремните ветрови ги принудуваат авионите да слетаат.
Таа вели дека објектите се загрозени и дека градските власти работат да обезбедат сместување и грижа за евакуираните.
„За жал, ова е најлошото можно сценарио за кое се надевавме дека нема да го доживееме“,
рече таа.
Градоначалничката на Лос Анџелес, Карен Бас, рече дека властите прогласиле вонредна состојба за да го засилат одговорот на овој разорен пожар и да го расчистат патот за брзо закрепнување.
„Градот работи напорно за да се соочи со оваа вонредна состојба. На илјадниците семејства, погодени од овој ужасен пожар, градот Лос Анџелес им обезбедува ресурси и засолниште“,
рече таа, заблагодарувајќи им се на пожарникарите и на другите интервентни екипи..
Devastation all around. I’ve lost count of the number of buildings we’ve seen on fire. This is Radcliffe Ave in Pacific Palisades, CA. #PalisadesFire #PacificPalisades #California pic.twitter.com/RKeuOQyMWG
— Matthew Seedorff (@MattSeedorff) January 8, 2025
Според властите, во моментов 10 зони се под наредба за евакуација, што значи дека постои „непосредна закана по животот“ и жителите мора веднаш да ја напуштат областа. Дополнителни 18 зони се под потенцијална закана и издадено е предупредување за можна евакуација.
Актерот Џејмс Вудс на Икс сподели видео од пожарот што го зафатил ридот во близина на неговиот дом во Пасифик Палисејдс.
Тој напиша дека е евакуиран и додаде оти не знае дали неговата куќа сè уште постои, но дека многу куќи од улицата ги нема.
To all the wonderful people who’ve reached out to us, thank you for being so concerned. Just letting you know that we were able to evacuate successfully. I do not know at this moment if our home is still standing, but sadly houses on our little street are not. pic.twitter.com/xZjvsIg6Fg
— James Woods (@RealJamesWoods) January 7, 2025
Последните информации се дека пожарникарите повеќе не се борат да ги спасат објектите, туку само се обидуваат да го спречат ширењето на пожарот.
На социјалните мрежи се шират видеа и фотографии од пожарот кој има зафатено средно училиште, а изгорел и познат ресторан во Малибу со 36-годишна традиција.
Flames have erupted at Palisades Charter High School. #PalisadeFire pic.twitter.com/jNrXUjY24L
— Matthew Seedorff (@MattSeedorff) January 8, 2025
Претседателот Џо Бајден одобрил употреба на федерални пари за поддршка на погодените области.
„Мојот тим и јас сме во контакт со државните и локалните функционери и понудив каква било федерална помош што е потребна за да се потисне страшниот пожар. Претходно ФЕМА одобри помош за управување со пожари за поддршка на областите кои се погодени и помагаат во надоместување на државата Калифорнија за непосредните трошоци за гаснење пожари. Мојата администрација ќе стори сé што може за да го поддржи одговорот“,
вели Бајден.
Тој ги повика жителите на Пасифик Палисејдс и околните области на Лос Анџелес да останат будни и да ги слушаат локалните власти.