Во објава на социјалната мрежа Икс, францускиот претседател додава дека Франција ќе остане посветена на безбедноста на сите народи на Блискиот Исток
Францускиот претседател Емануел Макрон денеска ја поздрави веста за падот на режимот на сирискиот претседател Башар ал Асад, наведувајќи дека „варварската држава конечно паднала“.
Во објава на социјалната мрежа Икс, Макрон му честита на сирискиот народ за, како што вели, храброста и трпението и додава дека Франција ќе остане посветена на безбедноста на сите народи на Блискиот Исток.
„Варварската држава падна. Конечно. Му оддавам почит на сирискиот народ за неговата храброст, за трпението. Во овој момент на неизвесност, им посакувам мир, слобода и единство“,
напиша Макрон во објава на Икс.
The barbaric state has fallen. At last.
— Emmanuel Macron (@EmmanuelMacron) December 8, 2024
I pay tribute to the Syrian people, to their courage, to their patience. In this moment of uncertainty, I send them my wishes for peace, freedom, and unity.
France will remain committed to the security of all in the Middle East.
Сириските бунтовници денеска објавија дека ја презеле контролата врз главниот град Дамаск, прогласувајќи го за „слободен“, откако започнаа офанзива која брзо напредуваше низ целата земја во последните неколку денови.
Руската Федерација потврди дека сирискиот претседател Башар ал Асад ја напуштил функцијата и заминал од земјата откако дал наредба за мирно предавање на власта, но не наведе каде се наоѓа во моментов.