„Владата треба веќе да покаже одредени резултати. Дали имаат внатрешни пречки, што и како наследиле, не можам да знам. Меѓутоа, еве ќе го видиме периодот со новиот буџет, сега ќе гласаат нивен буџет со нивни проекти, ќе видиме како ќе се движат“, изјави лидерката на ЛДП
Сè уште не може да се забележи драстична разлика во владеењето меѓу актуелната влада на чело со ВМРО-ДПМНЕ и претходната предводена од СДСМ, вели пратеничката и претседателка на ЛДП, Моника Зајкова, во интервју за „360 степени“ на МРТ 1. Единствениот исчекор досега, според Зајкова, е забрзана динамика во реализацијата на инфраструктурните проекти, особено во делот на автопатиштата.
„Владата треба веќе да покаже одредени резултати. Дали имаат внатрешни пречки, што и како наследиле, не можам да знам. Меѓутоа, еве ќе го видиме периодот со новиот буџет, сега ќе гласаат нивен буџет со нивни проекти, ќе видиме како ќе се движат“,
вели Зајкова.
На прашањето зошто коалицијата на СДСМ, од која и ЛДП беше дел, претрпе тежок пораз на изборите, Зајкова вели дека станува збор за низа непопуларни одлуки.
„Не можеме да генерализираме бидејќи се носеа многу одлуки. Ако ме прашате дали беше правилна одлуката за влез во НАТО, ќе ви кажам дека беше правилна. И денес се испоставува дека беше правилна. Ако ме прашате дали беше правилна одлуката за менување на Кривичниот законик, како правник, ќе ви кажам дека не беше правилна и затоа не дадов поддршка“,
вели лидерката на ЛДП.
За изјавата на лидерот на СДСМ, Венко Филипче, дека биле сервилни кон коалициските партнери додека биле на власт и дека нивната широчина била злоупотребена, Зајкова рече дека секоја партија има своја поставеност во рамките на коалицијата.
Зајкова: Јас можам да кажам кон ЛДП какви биле, не можам да кажам какви биле кон другите коалициски парнтери. Сепак, кога правите коалиција, тоа е еден партнерски однос и треба да цените до каде може да оди тој партнерски однос, а каде ги поминува границите.
„360 степени“: Имавте забелешки на односот на ДУИ во власта?
Зајкова: Кога сум имала забелешки, отворено сум ги кажувала лично на ДУИ, но сум кажувала и во рамки на колаицијата. А имало.