Додека западните лидери сметаат дека неговата смрт нуди можност да се стави крај на конфликтот, израелскиот премиер Бенјамин Нетанјаху рече дека војната ќе продолжи сè додека не бидат вратени заложниците киднапирани од страна на Хамас
По смртта на водачот на Хамас, либанската милитантна група Хезболах објави дека влегува во нова, ескалирачка фаза во војната против Израел, додека Иран предочи на јакнење на духот на отпорот.
Лидерот на палестинската организација Хамас, Јахја Синвар, кој со нападот на 7 октомври минатата година ја започна војната во Појасот Газа, беше убиен од припадници на израелската војска на палестинска територија.
Додека западните лидери сметаат дека неговата смрт нуди можност да се стави крај на конфликтот, израелскиот премиер Бенјамин Нетанјаху рече дека војната ќе продолжи сè додека не бидат вратени заложниците киднапирани од страна на Хамас – група која е прогласена за терористичка организација од страна на САД и ЕУ.
„Ги израмнивме нашите сметки. На злото му е зададен удар, но нашата задача сè уште не е завршена“,
рече Нетанјаху во видеоизјава откако во четвртокот беше потврдена смртта на Синвар.
Хамас сè уште не ја прокоментира смртта на својот лидер, но извори во групата, според Ројтерс, изјавиле дека индициите што ги виделе укажуваат на тоа дека Синвар навистина бил ликвидиран од израелските трупи.