Во фокус на состанокот, како што рече премиерот, била промоција на инвестициските можности и капацитети од областите услуги, туризам, енергетика и производство
Германските стопанственици гледаат огромен потенцијал во Владата, изјави премиерот Христијан Мицкоски по денешната средба во Берлин со претставници на Стопанската комора на Германија, која ја оцени за продуктивна, ефикасна и надежна. На состанокот се промовирале инвестициските можности и капацитети во државата, а странските компании изразиле интерес за нови инвестиции.
Во фокус на состанокот, како што рече премиерот, била промоција на инвестициските можности и капацитети од областите услуги, туризам, енергетика, производство.
„Мислам дека имавме исклучително позитивен состанок и мислам дека по него, да бидам попрецизен, сигурен сум ќе имаме уште неколку нови инвеститори во периодот којшто следи. Голем дел од компаниите коишто беа присутни на состанокот се веќе присутни со свои производни погони кај нас. Имаше и такви компании коишто недвосмислено изразија желба да инвестираат кај нас и да бидат присутни на македонскиот пазар. Нормално, разменивме детали за понатамошен контакт и мислам дека многу скоро денеска ќе бидеме посетени, ќе ги отвориме преговорите за можно нивно инвестирање“,
изјави Мицкоски.
Дел од претставниците на германската стопанска комора посочиле дека очекуваат да ги зголемат своите капацитети во земјава.