Предвидувањата на САД, како што изјавил американски претставник за Си-ен-ен, е дека претстојниот напад би можел да биде сличен по обем и размер како оној во април, кога кон Израел беа лансирани повеќе од 300 проектили
САД веруваат дека Иран наскоро е подготвен да изврши балистички ракетен напад на Израел, предупредил во вторникот висок функционер на Белата куќа, пренесе Си-ен-ен.
Во соопштението на Белата куќа се наведува дека постојат индикации оти Иран се подготвува веднаш да изврши напад со балистички ракети против Израел, додавајќи дека Соединетите Држави „активно ги поддржуваат подготовките за одбрана на Израел од овој напад“.
„Директен воен напад на Иран врз Израел ќе донесе тешки последици за Иран“,
се додава во соопштението на Белата куќа.
Предвидувањата на САД, како што изјавил американски претставник за Си-ен-ен, е дека претстојниот напад би можел да биде сличен по обем и размер како оној во април, кога кон Израел беа лансирани повеќе од 300 проектили, меѓу кои 170 беспилотни летала и над 120 балистички ракети.
Во меѓувреме, израелската војска соопшти дека сè уште не идентификувала воздушна закана од Иран.
„До овој момент, Израел не гледа непосредна закана од Иран“,
изјави портпаролот на Израелските одбранбени сили, Даниел Хагари, по предупредувањата од САД.