Бајден: Недозволиво е да избувне војна од огромни размери на Блискиот Исток

Американскиот претседател пред новинарите најави дека планира да разговара со израелскиот премиер Бенјамин Нетанјаху, но прецизира кога точно ќе се случи тоа

Мора да се избегне војна од огромни размери на Блискиот Исток, смета американскиот претседател Џо Бајден коментирајќи ги последните воени операции на Израел против Хезболах во Либан и хутите во Јемен, пренесува Ројтерс.

„Неопходно е да се избегне регионален конфликт. Тоа навистина мора да се спречи“,

рече тој.

Бајден пред новинарите најави дека планира да разговара со израелскиот премиер Бенјамин Нетанјаху, но прецизираше кога точно ќе се случи тоа.

„Ќе соопштам кој ќе биде исходот од разговорот“,

изјави Бајден.

Инаку, според американските медиуми, Бајден и Нетанјаху не разговарале уште од август.

Израел вчера изврши напади на неколку локации во Либан, за кои тврди дека се упоришта на Хезболах, а бомбардирал и цели на јеменските бунтовници хути.

Израел изврши напади врз Хезболах во Либан и врз Хутите во Јемен

Израелската армија објави дека вчера е убиен уште еден висок функционер на Хезболах, Набил Каук, кој во Либан се смета за еден од можните наследници на убиениот лидер на Хезболах, Хасан Насралах.

Израел тврди дека е убиен уште еден висок функционер на Хезболах

Во својата прва јавна изјава по смртта на водачот на Хезболах, Хасан Насралах, израелскиот премиер Бенјамин Нетанјаху рече оти неговата „елиминација“ била суштинска за да се овозможи безбедно враќање на жителите на северот на Израел.

Насралах беше централен мотор на иранската оска на злото – порача Нетанјаху по смртта на лидерот на Хезболах и потврди оти Израел стои зад убиството