Автомобилот марка ‘голф’, со кој управувал 24-годишникот, излетал од коловозот, по што момчето починало на самото место
Дваесет и четиригодишник од Свети Николе вчеравечер го загуби животот во сообраќајна несреќа на автопатот Тетово-Скопје. Несреќата била пријавена во тетовската полиција околу 20:30 часот.
„Во СВР Тетово било пријавено дека на автопатот Тетово-Скопје патничко возило ‘голф’ со регистарски таблици од Свети Николе, управувано од В.З. (24) од Свети Николе, излетало од коловозот. Возачот починал на местото на настанот, а смрт констатирал доктор од Итна медицинска помош Тетово“,
информира портпаролот на СВР Тетово, Фатмир Реџепи.
На местото на несреќата увид врши екипа од СВР Тетово, а по наредба на јавен обвинител телото на 24-годишникот ќе биде дадено на обдукција.