Според советникот за безбедност Станислав Секриру, Русија вложува милиони евра во кеш, како и интернет-ботови во Молдавија, со цел да ја спречи земјата да влезе во ЕУ
Националниот советник за безбедност на Молдавија, Станислав Секриру, во изјава за „Политико“, посочува дека Москва вложила милиони во кеш, како и интернет-ботови со цел да ја саботира Молдавија од влез во ЕУ.
Според него, Русија употребува хибридни тактики пред гласањето кое треба да се случи во октомври, кое практично се однесува на тоа дали поранешната советска република треба да влезе во Унијата.
„Се соочуваме со застрашувачка стратегија, се експлоатира стравот од војна“,
вели Секриру.
Според него, машинерија за лажни вести на Москва го саботира патот на Молдавија со закани дури и за граѓанска војна.
Советникот тврди дека претседателката Маја Санду е во центарот на лажните вести, обидувајќи се да ја нарушат нејзината соработка со Западот.
„Проценките се дека 50 милиони евра се вложени во минатогодишните избори за да се купат пропагандисти и гласачи. Како што се наближуваат изборите и референдумот, очекуваме уште поголем внес на пар, дури и до 100 милиони евра од Русија за да се наштети на демократските процеси“,
вели Секриру.
Тој надополнува дека руските служби внесувале нови политички фигури во Молдавија кои се проруски.
На 20 октомври Санду ќе бара втор мандат, а нејзината коалиција повикува дека тоа значи глас за влез во ЕУ.
Кандидатскиот статус ѝ беше доделен на Молдавија минатата година, а пристапните преговори започнаа во декември 2023 година.