Израелската војска тврди дека се работи за „прецизен напад“ врз главниот штаб на Хезболах
Израел изврши напад во јужните предградија на Бејрут, убивајќи шест лица. Израелската војска тврди дека се работи за „прецизен напад“ врз главниот штаб на Хезболах.
Притоа во нападите ранети се над 90 лица, соопшти либанското Министерство за здравство.
Во меѓувреме спасувачите трагаат по преживеани под урнатините од експлозиите. Седум високи станбени згради се уништени во нападите, јави ТВ Ал Манар, поврзана со Хезболах.
Цел на нападот на ИДФ бил лидерот на Хезболах, Хасан Насралах, но организацијата тврди дека тој не бил ниту повреден од акцијата на Израел.
Хезболах воспостави безбедносен кордон околу местото на нападот.