„Министерот истакна дека недвосмислената поддршка кон Формулата за мир, Меѓународните коалиции за основање на трибунал за злосторство, агресија против Украина и за враќање на присилно раселените деца, продолжува и понатаму, како и кон останатите иницијативи и формати за обезбедување практична помош за Украина“, се вели во соопштението од неговиот кабинет
Македонија ќе продолжи да ја поддржува Украина на патот кон зачувување на нејзиниот територијален интегритет и суверенитет. Ова го соопшти шефот на македонската дипломатија Тимчо Муцунски на средбата со својот украински колега Андриј Сибиха на маргините на 79. Генерално собрание на Обединетите нации во Њујорк.
Од кабинетот на Муцунски соопштија дека на средбата е реафирмирана македонската поддршка кон Украина, што подразбира поддршка на сите иницијативи и формати за обезбедување практична помош.
„Министерот истакна дека недвосмислената поддршка кон Формулата за мир, Меѓународните коалиции за основање на трибунал за злосторство, агресија против Украина и за враќање на присилно раселените деца, продолжува и понатаму, како и кон останатите иницијативи и формати за обезбедување практична помош за Украина“,
се вели во соопштението од неговиот кабинет.
Муцунски и Сибиха ги оценија билатералните односи меѓу двете држави како одлични и позитивни, а е изразено и задоволство од одличната соработка на мултилатерален план.