Есента во земјава и на северната хемисфера почнува денеска во 14:43 часот. Ќе трае 89 дена, до 21 декември во 10 часот и 20 минути, кога календарски започнува зимата
Сончево и топло време најавуваат синоптичарите на првиот ден од есента. Минималната температура ќе биде во интервал од 3 до 13, а максималната ќе достигне од 22 до 28 степени.
Во Скопје според најавите од УХМР се очекува слично време – посвежо утро и сончево и релативно топло време со слаб ветер од променлив правец во текот на денот. Минималната температура ќе се спушти до 7, а максималната ќе достигне до 27 степени.
Календарски есента во земјава и на северната хемисфера почнува денеска во 14:43 часот. Во исто време на јужната полутопка на Земјата ќе настапи пролетта.
Првиот есенски ден е 266-иот ден во годината и ќе трае 12 часа и девет минути. Сонцето во Скопје изгреа во 6 часот и 21 минута, а ќе зајде во 18 часот и 30 минути. До карјот на годинава остануваат уште 100 дена.
Есента ќе трае 89 дена, до 21 декември во 10 часот и 20 минути, кога календарски започнува зимата.