Во нападот е убиен уште еден висок оперативец на Хезболах, Ахмед Вахаби, кој ги предводеше воените операции на нивните специјални сили Ар Радван во воната во Газа од почетокот на годината
Хезболах објави имиња на 14 нејзини припадници убиени во вчерашниот израелски воздушен напад врз либанскиот главен град Бејрут, заедно со главниот командант Ибрахим Акил, пренесува Си-ен-ен.
Во нападот е убиен уште еден висок оперативец на Хезболах, Ахмед Вахаби, кој ги предводеше воените операции на нивните специјални сили Ар Радван во воната во Газа од почетокот на годината.
Претходно, известија за смртта на Талеб Абдула, командант на регионалната девизија Наср, Мухамед Насер, командант на регионалната девизија Азиз и Висам ал Тавил, заменик-шеф на елитната единица Радван.
Од почетокот на борбите на 7 октомври минатата година Хезболах соопшти дека се убиени нивни 497 членови.
Либанското Министерство за здравство соопшти дека во нападот загинале 14 лица, а повеќе од 66 се ранети.
Израелскиот премиер Бенјамин Нетанјаху во кратка изјава по убиството на командантот на Хезболах рече дека целите на Израел се јасни и дека постапките говорат само за себе.
Министерот за одбрана на Израел, Јоав Галан, рече дека нема да отстапат од своите цели по убиството на највисоките команданти на Хезболах во Бејрут.
Советот на безбедност на Обединетите нации одржа итна седница по воздушните напади врз Бејрут и јужен Либан. Портпаролот на ОН, Стефан Дијарик, предупреди дека регионот е на работ на катастрофа.
Хезболах лансира 170 ракети на северниот дел на Израел.