Адвокатот на Комбс, Марк Агнифило, вели дека се разочарани од апсењето и дека неговиот клиент е невин
Раперот Шон Диди Комбс е уапсен во Њујорк под „неодредени федерални обвиненија“, пренесува Би-би-си.
Апсењето на Менхетен уследи по рациите на два негови имоти во Лос Анџелес и во Мајами во март. Лице блиско до обвинителството за „Њујорк тајмс“ изјави дека верува оти познатиот американски рапер е обвинет за рекетирање и трговија со луѓе во својство на сексуална експлоатација.
Адвокатот на Комбс, Марк Агнифило, вели дека се разочарани од апсењето и дека неговиот клиент е невин човек.
🚨BREAKING: (Diddler) Sean “Diddy” Combs has been ARRESTED by the FBI, human trafficking investigation!
— AJ Huber (@Huberton) September 17, 2024
Thank you Mr. President Trump!
Executive Order 13773 and EO 13903 still working! 😎 pic.twitter.com/LQdKanIsep
Музичарот се соочи со низа обвинувања – од сексуален напад до малтретирање – вклучувајќи ги и оние од неговата поранешна партнерка Касандра Каси Вентура. Тој негираше се за што беше обвинет.
Како што пишува Би-би-си, апсењето е извршено како дел од истрагата на претставници на американската внатрешна безбедност.
Американскиот обвинител за јужниот округ на Њујорк, Демијан Вилијамс, го потврди апсењето во изјава вчера вечерта.
„Претходно оваа вечер федералните агенти го уапсија Шон Комбс врз основа на запечатено обвинение поднесено од јужната судска област на Њујорк“,
рече обвинителот.
Тој додаде дека канцеларијата планира утрово да го отпечати обвинението и дека тогаш ќе имаат повеќе што да кажат.
USA Damian Williams: Earlier this evening, federal agents arrested Sean Combs, based on a sealed indictment filed by the SDNY. We expect to move to unseal the indictment in the morning and will have more to say at that time.
— US Attorney SDNY (@SDNYnews) September 17, 2024
Комбс се соочува со многубројни тужби, вклучително и наводи дека силувал малолетна девојка и се обидел да го принуди продуцентот да има секс со друг маж. Неговиот адвокат рече дека Комбс со нетрпение очекува да ја докаже својата невиност на суд.
„Разочарани сме од покренувањето на ова неправедно гонење“,
вели Агнифило во писмената изјава за Би-би-си.