Најтешко погодени се Чешка, Полска и Австрија, каде што во главниот град Виена се излеа реката Дунав. Невремето одзеде неколку човечки животи во Романија, Австрија и Полска
Поплавени градови, патишта и уништена инфраструктура се резултатот од силното невреме што денеска ја зафати Централна Европа. Циклонот Борис донесе обилни дождови и силни ветришта предизвикувајќи поплави низ Чешка, Австрија, Полска, Словачка и Романија. Населението во најзагрозените држави се евакуираат, а досега билансот на загинати лица достигна седум – дури пет лица загинаа во Романија и по едно во Полска и Австрија.
„Осумдесет проценти од прогнозираниот дожд веќе наврна, но најлошото се уште не е зад нас. Ситуацијата е навистина опасна, не смее да се потцени. Има луѓе кои одбиваат да се евакуираат. Ги молам сите да не ризикуваат, да не се плови по реките и да не се прават други луди работи“,
порача чешкиот премиер Петр Фијала.
Чешкиот премиер заедно со премиерот на Полска, Доналд Туск, апелираа граѓаните што се наоѓаат во најкритичните делови на земјите да не ги одбиваат евакуација оти ситуацијата е драматична и се очекува да продолжи и во текот на утрешниот ден.
Był domu i domu nie ma. Powódź zabiera ludziom wszystko. Stronie Śląskie. pic.twitter.com/1Od5VLnAan
— chrzanik (@chrzanikx) September 15, 2024
Речиси во сите погодени земји има поплавени куќи, брани над кои се прелева вода и уништени мостови и куќи. Во полскиот град Глухолаз надојдената река однела два моста.
🚨🚨BREAKING NEWS
— Europe Invasion (@EuropeInvasionn) September 15, 2024
Flood disaster in Głuchołazy, Poland. It is called the worst disaster in 100 years.
pic.twitter.com/xShGWVZfrY
Под вода е и главниот град на Австрија, Виена каде во централното градско подрачје се излеа реката Дунав. Поплавени се пешачки и велосипедски патеки, а под вода се терасите на рестораните кои се наоѓаат на брегот на реката. Во предградието Пензинг, северозападно од Виена, реката на некои места се излеа од коритото. Локалното население е евакуирано, додека пак улиците и подземните паркинзи се под вода. Во три области на Виена прекинато е снабдувањето со електрична енергија, а привремено не функционираат и две линии на а метрото.
