Откако Харис доби поддршка од Бил и Хилари Клинтон, Ненси Пелоси, мноштво државни гувернери и врвни демократи во Конгресот, Обама го додаде својот глас во она што претставува големо засилување за актуелната потпретседателка
Поранешниот претседател Барак Обама не се огласи веднаш по одлуката на американскиот претседател Џо Бајден да се повлече од трката за уште еден мандат како кандидат на Демократската партија и да ѝ даде поддршка на потпретседателката Камала Харис, поради што во јавноста почна да се шпекулира дека тој ќе поддржи отворен натпревар за номинација на Демократската национална конвенција следниот месец во Чикаго.
Но, откако Харис доби поддршка од Бил и Хилари Клинтон, Ненси Пелоси, мноштво државни гувернери и врвни демократи во Конгресот, Обама го додаде својот глас во она што претставува големо засилување за актуелната потпретседателка.
На 44. претседател му се придружи и неговата сопруга Мишел, поранешната прва дама. Двајцата во телефонски разговор со Харис, кој беше снимен и објавен од нејзината кампања на социјалната мрежа Икс, ѝ изразија поддршка во трката за Белата куќа.
It means so much to have your endorsements, @MichelleObama and @BarackObama.
— Kamala Harris (@KamalaHarris) July 26, 2024
Let’s get to work. pic.twitter.com/rAuTyIlCai
„Не можам да го водам овој телефонски разговор без да ѝ кажам на мојата девојка Камала: Горда сум на тебе. Ова ќе биде историско“,
вели Мишел Обама во телефонскиот разговор со Харис.
Барак Обама додава:
„Се јавивме да кажеме дека Мишел и јас не можеме да бидеме погорди што ве поддржуваме и дека ќе направиме сè што можеме за да ги поминете овие избори и да влезете во Овалната соба“.
За телефонскиот разговор со Харис информира и Обама на својот профил на Икс.
„На почетокот на оваа недела, Мишел и јас се јавивме на нашата пријателка Камала Харис. Ѝ кажавме дека мислиме оти ќе стане фантастичен претседател на Соединетите Држави и дека ја има нашата целосна поддршка. Во овој критичен момент за нашата земја, ќе направиме сѐ што можеме за да се увериме дека таа ќе победи“,
напиша поранешниот американски претседател.
Earlier this week, Michelle and I called our friend @KamalaHarris. We told her we think she’ll make a fantastic President of the United States, and that she has our full support. At this critical moment for our country, we’re going to do everything we can to make sure she wins in… pic.twitter.com/0UIS0doIbA
— Barack Obama (@BarackObama) July 26, 2024