Изјавата на српскиот вицепремиер и ексминистер следува откако Србија го испорача противпожарниот хеликоптер кој треба да помогне во гасењето на пожарите во земјава, а се однесува и на резолуцијата за геноцидот во Сребреница што во мај годинава беше усвоена во Обединетите нации (ОН), за што поддршка даде и С Македонија
Драги соседи, следниот пат кога некој амбасадор ќе ве повика и замоли да гласате за нешто што длабоко ја навредува Србија, како лагата за геноцидот во Сребреница, сетете се кој беше тука „кога гореше“ – порача денеска српскиот вицепремиер Александар Вулин, кој е и поранешен шеф на српската Безбедносно-информативна агенција (БИА) и ексминистер за одбрана и внатрешни работи на Србија
Изјавата на Вулин следува откако Србија денеска го испорача противпожарниот хеликоптер кој треба да помогне во гасењето на пожарите во земјава. Неговиот став се однесува и на резолуцијата за геноцидот во Сребреница што во мај годинава беше усвоена во Обединетите нации (ОН), за што поддршка даде и С Македонија.
„Големите сили ве фалат кога ги слушате и ги повредувате Србите и Србија, но кога шумите почнуваат да горат, Србија е прва што доаѓа да помогне. Како министер за полиција, секоја година испраќав луѓе и опрема за да ѝ помогне на Северна Македонија при гаснењето на пожарите. Така е и денес, српските хеликоптери и пожарникари се борат со огнот за да ги спасат луѓето и имотот на Северна Македонија“,
порча Александар Вулин.
Во изјавата на српскиот вицепремиер, која ја пренесува „Политика“, Вулин порачува и дека од „убавикот јазик кој земјава го поседува, треба да се бираат зборови што значат чест, лојалност, благодарност“. Додава оти Србија ѝ помага на земјава во гасење на пожарите и покрај поддршката што таа ја даде за резолуцијата за Сребреница.