На првата конференција што се одржала во Мадрид, тој зборуваше за улогата на регионот во контекст на Европа како еден од глобалните центри на економска и политичка гравитација, презентирајќи ги предизвиците и интересите на Северна Македонија и на регионот
Претседателот на „Солуција“, Никола Димитров, стана член на Групата на високо ниво за европска стратешка меѓузависност, која неодамна е формирана од страна на три водечки европски организации, како Светскиот економски форум, Европскиот совет за надворешни односи и СајансПо.
„Ова е нова иницијатива, која интегрира клучни експерти, актуелни и поранешни политички лидери и дипломати од цела Европа, чија цел е зајакнување на политичката и економска сила на ЕУ, а Димитров е единствениот поканет член од Западен Балкан“,
велат од „Солуција“.
Оттаму велат дека на првата конференција што се одржала во Мадрид, Димитров зборуваше за улогата на регионот во контекст на Европа како еден од глобалните центри на економска и политичка гравитација, презентирајќи ги предизвиците и интересите на Северна Македонија и на регионот.
„На маргините на конференцијата, Димитров разговараше и со идниот претседател на Европскиот совет, Антонио Коста, изразувајќи му благодарност што во настапот го постави проширувањето високо во приоритетите на Унијата во рамките на неговиот претстоен мандат“,
информираат од „Солуција“.