Според информациите од ЦУК, неексплодираните убојни средства веднаш биле отстранети од страна на пиротехничар од Дирекцијата за заштита и спасување (ДЗР) Струмица
Стари неексплодирани убојни средства се пронајдени кај селото Моин, Гевгелиско, во близина на границата со Грција, информираат од Центарот за управување со кризи (ЦУК).
Според информациите од ЦУК, неексплодираните убојни средства веднаш биле отстранети од страна на пиротехничар од Дирекцијата за заштита и спасување (ДЗР) Струмица.
Од ЦУК апелираат до граѓаните кога ќе најдат неескподирани убојни средства од минатите војни да не ги фаќаат и поместуваат, туку едноставно да се јават на 112 во ЦУК за нивно безбедно неутрализирање според стандардни оперативни постапки.
При изведување градежни работи во близина на поранешниот гарнизон во Битола на крајот на мај беа пронајдени 1 408 стари пушки, кои потекнуваат од минатите балкански војни.
Претходно стари пушки и муниција, кои потекнуваат од балканските војни, беа пронајдени при вршење ископ во старата касарна во Битола.
Истиот месец неексплодирано убојно средство, за кое се претпоставуваше дека е од Првата светска војна, беше однесено во Полициската станица Берово каде што било преземено од страна на пиротехничар од Дирекцијата за заштита и спасување во Берово за уништување.