„Замислете, од седум отворени гласачки кутии во четири биле откриени неправилности и кражба на гласови. Со ова јасно се докажува зошто ДУИ денес е во паника. Тие се во паника не само зашто ќе си заминат во опозиција туку и бидејќи ќе одговараат за злоупотребите и кршењето на законите, но и затоа што вчера, со отворање на кутиите, се докажа дека преку злоупотреба на механизмите на власт, закани, уцени, притисоци и ‘бугарскиот воз’, се обиделе да ги нарушат волјата на народот и изборниот резултат“, вели портпаролот на Движењето Беса, Фатмир Сабриу
Со одлука на Државната изборна комисија (ДИК) уште еднаш се докажа дека „Европскиот фронт“ предводен од Демократската унија за интеграција (ДУИ) нема капацитет и кредибилитет да спроведе слободни, фер и демократски избори.
Ова денеска на прес-конференција во Тетово го изјави портпаролот на Движењето Беса, Фатмир Сабриу, дел од коалицијата „Вреди“ посочувајќи конкретни примери за прекршување на Изборниот законик во изборната единица 6, со цел, како што посочи, дека тоа се темели и на прифаќањето на приговорите од страна на ДИК.
Според Сабриу, ДИК постапувајќи врз основа на приговорите на коалицијата „Вреди“, поднесени за некои избирачки места во ИЕ 6, како и постапувајќи според одредбите на Изборниот законик одлучила да ги отвори гласачките кутии за седум избирачки места, при што во четири од нив се констатирани неправилности.
„Во избирачко место 2101, село Ларце, Општина Желино, констатирано е дека во гласачката кутија има еден глас повеќе во корист на ‘Европскиот фронт‘ од гласачите кои го искористиле своето право на глас. Во избирачко место 0387 Гостивар и избирачко место 1953 Тетово имаше корекција на изборниот резултат бидејќи во овие избирачки места се пребројувале неважечките гласови и се броеле како гласови на ‘Европскиот фронт‘“,
вели Сабриу.
Со тоа, како што вели Сабриу, „Европскиот фронт“ злоупотребувајќи ги сите механизми на владеењето, незаконски ја нарушил и искривил волјата на граѓанинот и, како што додаде, спроведувајќи го „бугарскиот воз“, а според него, тоа се случаите веќе потврдени со одлука на ДИК во Липково и Ларце, како и броењето на неважечки гласови во корист на Фронтот и ДУИ.
„Замислете со седум отворени гласачки кутии, во четири биле откриени неправилности и кражба на гласови. Со ова јасно се докажува зошто ДУИ денес е во паника. Тие се во паника не само што ќе си заминат во опозиција, туку и ќе одговараат за злоупотребите и кршењето на законите, но и затоа што вчера, со отворање на кутиите, се докажа дека преку злоупотреба на механизмите на власт, закани, уцени, притисоци и бугарскиот воз, се обиделе да ја нарушат волјата на народот и изборниот резултат’,
рече портпаролот на движењето Беса.
Според него, Албанците на 8 мај ја добиле слободата и можат слободно да дишат, оти како што посочи, ДУИ оди во опозиција и нема да може повеќе да има влијание на изборниот резултат.
„Време е за одговорност, за влада која ќе се бори против криминалот и корупцијата, ќе гарантира забрзан економски развој и европска интеграција. Оние што ја нарушија волјата на народот и изборниот резултат ќе сносат одговорност и ќе одговараат пред органите на правдата“,
вели тој.
ДИК на вчерашната седница, на која ги разгледуваше приговорите од партиите поднесени во врска со парламентарните избори што се одржаа на 8 мај, прифати еден приговор на коалицијата „Вреди“ кој се однесува на гласањето на избирачкото место 2102 во Желино.
До ДИК вкупно се поднесени 27 приговори од политичките партии, девет од коалицијата „Вреди“, осум од ВМРО-ДПМНЕ, пет од СДСМ и четири од Левица.
Од коалицијата „Европски фронт“ предводена од ДУИ обвинуваат дека македонските политички партии во координација со коалицијата „Вреди“ сакаат преку ДИК да ѝ одземат еден до два пратенички мандата.