Во вторник претпладне се очекува зголемување на облачноста, со услови за слаб локален дожд и благ пад на дневната температура
Денеска времето во земјава ќе биде сончево и топло со мала од умерена облачност. Ќе дува умерен, наместа повремено засилен ветер од јужен правец, информираат од Управата за хидрометеоролошки работи (УХМР).
Минималната температура ќе се движи во интервал од пет до 12 Целзиусови степени, а максималната ќе достигне од 21 до 29 степени.
Во Скопје ќе биде, исто така, сончево и топло со мала до умерена облачност. Ќе дува умерен, а во делови од котлината повремено засилен ветер од југоисточен правец.
Утринската температура во главниот град ќе се спушти до осум, а максималната дневна се очекува да достигне до 28 Целзиусови степени.
Според УХМР и во наредните денови ќе продолжи периодот на сончево и топло време со мала до умерена облачност. Во вторник претпладне се очекува зголемување на облачноста, со услови за слаб локален дожд и благ пад на дневната температура.