Средбата на т.н. „Вајмарска тројка“ ќе следи по тензиите меѓу француските и германските лидери за прашања како што е политиката на Украина, неодамна покрената од Макрон, кој не ја отфрли можноста за распоредување копнени трупи во Украина
Германскиот канцелар Олаф Шолц, францускиот претседател Емануел Макрон и премиерот на Полска, Доналд Туск, в петок ќе се сретнат во Берлин за да разговараат за помошта за Украина.
Состанокот, најавен од Туск и потврден од извор од германската влада, ќе биде прв на највисоко ниво на т.н. „Вајмарска тројка“ – платформа за политичка соработка меѓу Германија, Франција и Полска формирана во 1991 година – откако полскиот премиер се врати на оваа позиција кон крајот на минатата година.
„Разговарав со претседателот за тоа како да ги мобилизираме нашите партнери во Европа. Состанокот на Вајмарскиот триаголник е итно свикан за в петок“,
изјави полскиот премиер за државниот информативен канал ТВП Инфо.
Средбата ќе следи по тензиите меѓу француските и германските лидери за прашања како што е политиката на Украина, неодамна покрената од Макрон, кој не ја отфрли можноста за распоредување копнени трупи во Украина.
Од формирањето на новата полска влада на крајот на минатата година, одржан е само еден состанок на „Вајмарската тројка“ на ниво на министри за надворешни работи, но сите три земји изразија желба за интензивирање на односите.