Францускиот претседател Емануел Макрон рече дека Владата ќе одржи официјална церемонија за да го прослави усвојувањето на амандманот во петок на Меѓународниот ден на жената
Франција стана првата земја во светот што го вклучи правото на абортус во својот Устав, пренесува Си-ен-ен. Оваа одлука беше поздравена како историски чекор од групите за права на жените, но и остро критикувана од групите против абортусот.
Пратениците од двата дома на францускиот парламент гласале со 780 „за“ и 72 „против“, со што се укинало три петтинското мнозинство потребно за измена на францускиот устав, јавува Си-Ен-Ен.
Гласањето, одржано за време на специјален состанок на пратениците во Версајската палата, бил последниот чекор во законодавниот процес.
Францускиот Сенат и Националното собрание со големо мнозинство го одобрија амандманот претходно оваа година. Во амандманот се наведува дека во Франција има „загарантирана слобода“ на абортус.
Пратениците го поздравиле овој потег како историски начин Франција да испрати јасен сигнал за поддршка за репродуктивните права, во услови на закани за правото на абортус во САД, како и во делови од Европа, како што е Унгарија.
Премиерот Габриел Атал пред гласањето изјави дека пратениците имаат „морален долг“ кон жените кои биле принудени на нелегални абортуси во минатото.
„Пред сè, испраќаме порака до сите жени: вашето тело ви припаѓа вам“,
рече Атал.
Францускиот претседател Емануел Макрон рече дека Владата ќе одржи официјална церемонија за да го прослави усвојувањето на амандманот во петок на Меѓународниот ден на жената.
Абортусот бил легализиран во Франција во 1975 година, четири години по жалбата во која 343 жени, меѓу кои познатите актерки Жана Моро, Катрин Денев и писателките Симон де Бовоар, Маргерит Дурас и Франсоа Саган, признале дека абортирале.