На социјалните мрежи хрватските граѓани коментираат дека земјотресите биле кратки, но јаки
Сеизмолошката служба на Република Хрватска забележала прилично силен земјотрес кај Пељешац утрово нешто по 7 часот. Јачината на земјотресот била 3,8 степени според Рихтеровата скала, пренесува хрватски „Индекс“.
Ова е четврти земјотрес што од утрово е регистриран во Хрватска.
Претходно, околу пет часот бил регистриран земјотрес со јачина од 3,4 степени според Рихтеровата скала на југот на Хрватска, кај Метковиќ, кој ги разбудил и граѓаните на градот Неум.
На социјалните мрежи хрватските граѓани коментираат дека земјотресите биле кратки, но јаки.
„Метковиќ, добро се затресе, ме разбуди“,
пишуваат жителите на Метковиќ и Опузен.
#Earthquake (#potres, #zemljotres) confirmed by seismic data.⚠Preliminary info: M3.7 || 24 km SW of #Metković (#Croatia) || 3 min ago (local time 05:07:18). Follow the thread for the updates? pic.twitter.com/b3a91UpnuE
— EMSC (@LastQuake) February 22, 2024
Претходниот ден, потоа беа регистрирани уште два послаби земјотреси со јачина од 2,6 степени.
Во 18:57 часот Сеизмолошката служба на Република Хрватска забележа слаб земјотрес со јачина од 2,6 степени во морето покрај брегот на Пељешац југоисточно од Жуљан.
#potres (#earthquake) 21.02. u 18:57 kod Pelješca, M2.6. Opširnije na https://t.co/M4nOCs4Zkm. Ako ste osjetili potres, molimo javite na https://t.co/RJDaIJlwpM
— Seizmološka služba HR (@seizmo_hr) February 21, 2024
Според сеизмолозите, земјотрес со јачина од 4 степени според Рихтеровата скала се смета за силен и може да предизвика помали оштетувања на зградите.