Најголем број побегнале во Германија, околу 1,2 милиони, потоа во Полска – 955 110, а прибежиште во Чешка побарале 369 330 луѓе
Поради руската агресија врз Украина, речиси 4,3 милиони луѓе побегнале од Украина и добиле разни типови азил во земјите од Европската Унија сметано до 30 ноември 2023 година, соопшти Евростат.
Како што е наведено, според податоците, граѓаните на Украина претставуваат 98 отсто од корисниците на некој вид привремена заштита односно азил, од кои 46,3 отсто се жени и 33,3 отсто деца, додека мажите сочинуваат 20,4 отсто.
Најголем број од избеганите пристигнале во Германија, околу 1,2 милиони, потоа во Полска – 955 110, а прибежиште во Чешка побарале 369 330 луѓе.
Во Бугарија има 169 845 Украинци, во Романија 144 295, во Унгарија 33 720, Грција 26 675, Хрватска 22 900 и во Словенија – 8 710.
Руската агресија започна во 2022 година, како продолжение на руско-украинскиот конфликт од 2014 година. Нападот на Русија претставува најголемиот напад врз една држава во Европа по Втората светска војна.