Поради посетата на Абдулах бин Мухамед ал Шеик, од денеска до сабота, 13 јануари, во Скопје ќе има посебен режим на сообраќај
Од денеска до петок во официјална посета на земјава ќе биде делегација предводена од Абдулах бин Мухамед ал Шеик, претседател на собранието на Кралството Саудиска Арабија – Меџлиси ал Шура.
Според најавите, тој утре ќе се сретне со претседателот на македонското Собрание Талат Џафери, а потоа ќе присуствува и на потпишување во книга на впечатоци.
Поради посетата на Абдулах бин Мухамед ал Шеик, од денеска до сабота, 13 јануари, во Скопје ќе има посебен режим на сообраќај. Со посебниот режим, кој ќе го спроведе Единицата за безбедност на патниот сообраќај, ќе бидат опфатени сообраќајниците на поширокото централно подрачје на Скопје.