Судот го ослободи Гури од издржување на затворската казна и времено му ја замени со домашен притвор поради примање редовна терапија за здравствените проблеми што ги имал
Распишана е потерница по поранешниот заменик-директор на Управата за јавни приходи Исмет Гури, потврдиле за МИА од Основниот кривичен суд Скопје.
Како што објави вчера телевизија Телма, Гури не е достапен за органите на прогонот, односно полициски службеници не го нашле на адресата на која издржувал домашен притвор.
Судот го ослободи Гури од издржување на затворската казна и времено му ја замени со домашен притвор поради примање редовна терапија за здравствените проблеми што ги имал.
Гури беше вмешан во случај со даночни измами во кој беа осомничени вкупно 15 лица, меѓу кои бизнисмени и инспектори од Управата за јавни приходи (УЈП), а се товарат за повеќе кривични дела како злосторничко здружување, даночна измама и перење пари.
Политичари, бизнисмени, инспектори се меѓу уапсените во акција на Обвинителството и полицијата
Во случајот со Гури, кој беше заменик-директор во УЈП е опфатен и неговиот син.
Исмет Гури, заедно со Ејуп Алими, на 14 јули минатата година добија затворски казни од по три години и шест месеци од Основниот кривичен суд-Скопје во повтореното судење за случајот „Титаник 3“ за уништување изборен материјал.
„Титаник 3“: Гури и Алими повторно осудени на три и пол години затвор
Повтореното судење следуваше по првата првостепена пресуда, но Апелацискиот суд Скопје ја укина таа одлука и го врати случајот на почеток.
Алими и Гури за „Титаник 3“ добија обвинение во јуни 2017 година за делото уништување изборен материјал – се товареа дека на локалните избори во 2013 година менувале дел од записниците за гласањето во Чаир.