Убавото време и слободниот викенд го наполнија Градскиот парк во Скопје, а дел од граѓаните не можеа да се воздржат и го прекршија прекршија правилото за државење растојание од два метри, како и забраната за групирање на повеќе од две лица.
Ова е прв слободен викенд откако во претходните два имаше целосна забрана за движење.
Според одлуката на Владата, полицискиот час е олабавен и денеска ќе започне во 15 часот и ќе трае до понеделникот до 5 часот наутро.
Од друга страна, пак, на сила е задолжителното носење на заштитна опрема на устата и носот (маска, шал, марама), надвор од домот во сите затворени објекти и на оние места каде не може да се држи физичко растојание од два метри.