На патниот правец Кичево – Стража сообраќајот се одвива отежнато поради снежната покривка што се создаде во текот на денот. Возач кој „заглавил“ во колоната со возила што се создала, вели дека долго време имало блокада на патот на околу пет километри од Кичево кон Стража. Тој ни испрати и видео на кое се гледа колоната возила.
„Се извлековме по еден час стоење и бавно движење. Кон Кичево, Колари и Зајас веќе е нормализирано“, раскажува тој.
Претходно од Центарот за управување со кризи информираа дека сообраќајот на патниот правец преку превојот Стража е во прекин поради попречено возило на патот кај „Тајмишка раскрсница“.
Од Јавното претпријатие за одржување и заштита на магистралните и регионалните патишта известија дека сообраќајот на патниот правец Гостивар – Стража, пак, е оспособен за сообраќај, а забраната за тешките товарни возила се уште е во сила.