Бајден, неговиот советник за национална безбедност Џејк Саливан и државниот секретар Ентони Блинкен во петокот разговараа за можноста за самит меѓу Бајден и Ѓинпинг со кинескиот министер за надворешни работи Ванг Ји во Белата куќа и Стејт департментот
Тимовите на американскиот претседател Џо Бајден и кинескиот претседател Си Ѓинпинг начелно се договорија за средба меѓу двајцата државници во Сан Франциско во ноември, но важни детали допрва треба да се договорат, изјави вчера висок претставник на администрацијата на Бајден.
Тој се осврна на изјавите на портпаролката на Белата куќа Карина Жан Пјер на дневниот брифинг за медиумите, на кој таа рече дека двајцата лидери имаат за цел конструктивен разговор што треба да се одржи за време на форумот за Азиско-пацифичка економска соработка (АПЕК) во Сан Франциско.
„Постои начелен договор за состанок во Сан Франциско во ноември. Сè уште разработуваме важни детали за да ги финализираме тие планови“,
рече претставникот на администрацијата на Бајден.
Бајден, неговиот советник за национална безбедност Џејк Саливан и државниот секретар Ентони Блинкен во петокот разговараа за можноста за самит меѓу Бајден и Ѓинпинг со кинескиот министер за надворешни работи Ванг Ји во Белата куќа и Стејт департментот.
Самитот на АПЕК треба да се одржи во средината на ноември.