Со нетрпение очекуваме да посакаме добредојде на вашиот посебен идентитет и на македонскиот јазик, порача Фон дер Лајен по средбата со Пендаровски

Таа изрази задоволство што нејзината турнеја низ земјите од Западниот Балкан во следните три дена ја започнува токму од Скопје

Како што Северна Македонија напредува во реформите така го трасира својот пат кон ЕУ, објави претседателката на Европската комисија, Урсула фон дер Лајен, на платформата Икс по вечерашната средба со шефот на државата Стево Пендаровски во Скопје.

„Со нетрпение очекуваме да ви посакаме добредојде вам, на вашиот посебен идентитет и на вашиот јазик, македонскиот јазик“,

наведе Фон дер Лајен изразувајќи задоволство што нејзината турнеја низ земјите од Западниот Балкан во следните три дена ја започнува токму од Скопје.

Glad to start my visit to the Western Balkans in Skopje!⁰
As you progress on reforms, you are making your way to the EU.

We are looking forward to welcoming you, your unique identity and your language, the Macedonian language.@SPendarovski pic.twitter.com/MLOQ36WK6L

— Ursula von der Leyen (@vonderleyen) October 29, 2023

По средбата со претседателот Пендаровски, од неговиот кабинет соопштија дека на средбата со Фон дер Лајен биле разменети мислења за стратегиската важност од спроведување на измените на Уставот и натамошните импликации врз европската перспектива на земјава.

Пендаровски и Фон дер Лајен разговарале за стратегиската важност на уставните измени и влијанието на европската перспектива на земјава