По 10 дена блокада, отворен е преминот „Брњак“, „Јариње“ сè уште не

Косовските власти ги затворија премините „Јариње“ и „Брњак“ по конфликтот во Бањска на 24 септември, во кој загинаа тројца Срби и еден припадник на косовската полиција

По десетдневна блокада, утрово за сообраќај целосно е отворен преминот „Брњак“, потврди за српските медиуми заменик-командантот на косовската полиција за северниот регион, Ветон Елшани.

Тој додаде дека преминот „Јарињ“е сè уште е затворен.

„Од 8 часот утрово ‘Брњак’ е целосно отворен, ‘Јариње’ сè уште не бидејќи теренот сè уште се контролира“,

рече тој.

Косовските власти ги затворија премините „Јариње“ и „Брњак“ по конфликтот во Бањска на 24 септември, во кој загинаа тројца Срби и еден припадник на косовската полиција.

Одговорноста за конфликтот ја презеде Милан Радоичиќ, поранешниот потпретседател на Српската листа, кој вчера беше уапсен и сослушан во Белград.

• Српската полиција го уапси Милан Радоичиќ

Но, косовскиот премиер Албин Курти тврди дека Радоичиќ е само извршител зад сцената, а нападот во Бањска го наредил српскиот претседател Александар Вучиќ, додека властите во Белград категорично негираат вмешаност во вооружениот конфликт на северот на Косово.

• Курти: Терористичкиот напад во Бањска е дел од план за анексија на северот на Косово

• Радоичиќ е во Србија и ќе биде сослушан, вели Вучиќ по обвинувањата оти потпретседателот на Српска листа учествувал во нападот во Бањска