Погледнете го новото издание на емисијата „360 степени“, емитувано на 2 октомври 2023 г. на МРТ 1, во кое гостува Гордана Јанкулоска, ексминистерка за внатрешни работи, која е на отслужување на четиригодишната затворска казна за случајот „Тенк“
Во новото издание на емисијата „360 степени”, со Гордана Јанкулоска, за која пред неколку дена се навршија три години откако е на издржување на четиригодишната казна затвор за набавката на „мерцедесот“ во предметот „Тенк”, разговараме на повеќе теми: престојот и условите во ,,Идризово”; неодамнешната средба со лидерот на ВМРО-ДПМНЕ, Христијан Мицкоски; нејзиниот однос кон и со Никола Груевски; актуелниот судир во партијата; измените во Кривичниот законик; начинот на владеење на ВМРО-ДПМНЕ од 2006 до 2017 г.; има ли каење за дел од постапките; плановите за во иднина… Интервјуто со поранешната министерка за внатрешни работи и блиска соработничка на Никола Груевски е снимено за време на нејзиното последно законски дозволено отсуство од затворот.