Премиерот Дритан Абазовиќ, министерот за правда Марко Ковач и министерот за внатрешни работи Филип Аџиќ го посетиле станот од кој бил пробиен тунелот до Вишиот суд. Абазовиќ, како што пренесува „Вијести“, изјавил дека во ова требало да се вклучи некој од судот, бидејќи почетокот на копањето на тунелот се поклопува со почетокот на реновирањето на зградата на судот. Тој додал дека ќе бара одговорност
Откако во понеделникот службениците на црногорскиот Виш суд открија дупка на ѕидот на депото на таа институција каде се чуваат доказите, ја алармирале полицијата, а подгоричките медиуми почнаа да шпекулираат што исчезнало од доказите.
Претседателот на Вишиот суд, Борис Савиќ, вчера ги прекина шпекулациите и изјави дека ниту еден од судските списи или докази не е украден.
„Утврдивме дека предметите во депото се преместени од нивната претходна локација. Направен е попис, речиси ништо не недостасува. Утврдено е дека е пребарувано по предметите. Не се точни информациите дека нешто е украдено”,
изјави Савиќ.
И покрај тоа што само во последните две години во депото на Вишиот суд во Подгорица биле складирани речиси десет тони дрога, која служела како доказ, Савиќ смета дека не станува збор за обид за грабеж, туку за подготовка на обид за бегство.
„Се сомневаме дека целта бил лесен пристап до судот и до притворската соба“,
рече Савиќ, додавајќи дека вработените во Вишиот суд го нашле само отворот на тунелот на добро скриено место.
„Станува збор за тоа дека овој отвор се правел долго време, на што укажуваат неговите димензии“,
додаде тој.
Малку подоцна полицијата го открила другиот крај на тунелот во станбена зграда на десетина метри, во стан кој бил изнајмен пред два месеци, но не ги нашла сторителите. Министерот за внатрешни работи на Црна Гора Филип Аџиќ изјави дека тоа е еден вид напад на црногорската држава.
„Ова е добро испланирана и организирана акција која се подготвувала со месеци и наликува на акциони филмови“,
рече тој и додаде дека црногорската полиција ќе направи се за да ги открие сторителите и дека во моментов се врши попис на материјалите од депото.
Абазовиќ: Тунелот не можел да се ископа без помошници од судот
Премиерот Дритан Абазовиќ, министерот за правда Марко Ковач и министерот за внатрешни работи Филип Аџиќ го посетиле станот од кој бил пробиен тунелот до Вишиот суд.
Абазовиќ, како што пренесува „Вијести“, изјавил дека во ова требало да се вклучи некој од судот, бидејќи почетокот на копањето на тунелот се поклопува со почетокот на реновирањето на зградата на судот. Тој додал дека ќе бара одговорност.
„Верувам дека ова е поткопување на државата, во суштинска и формална смисла. Мислам дека сме на добар пат истрагата да го покаже својот успех. Денеска ќе се одржи состанок на Бирото за оперативна комуникација, утре веројатно на Советот за националната безбедност. Мафијата, колку и да е финансиски силна, колку и да има поддршка во институциите на системот, вклучително и во судството, нема да ја победи државата. Степенот до кој нарко картелот е вклучен во Црна Гора е над се што некој може да замисли. Верувам дека се десеткувани и дека тоа се потези на очајните, веројатно во насока на контаминирање на доказниот материјал. Но еве, како што се обидоа и претходно, мислам дека и ова е спречено и дека треба да се погрижиме тие што го направија ова да бидат изведени пред лицето на правдата“,
изјавил Абазовиќ за новинарите.
Тој смета дека тоа не можело да се направи без „помагачи од Вишиот суд“.
„Начинот на кој започнаа работите, датумот кој е сличен на датумот на почетокот на реновирањето на зградата… Има многу работи кои можат да поврзат. Ова е мојот став на кој имам право. Мислам дека ова е обид за координирана акција, која сепак беше спречена… Регистрирани се повеќе луѓе кои можат да се поврзат, сега треба да ги оставиме оперативците да си ја завршат работата, па потоа да почнеме со реализација“,
рекол Абазовиќ.
?Vlada Crne Gore objavila je fotografije tunela koji vodi do Višeg suda.
— RTCG (@RTCGme) September 13, 2023
?Tunel koji vodi do depoa Višeg suda vodi iz stana koji se nalazi u zgradi preko puta u pješačkom dijelu Njegoševe ulice.#podgorica #visisud #crnagora #rtcg #hronikacg pic.twitter.com/wfBevQasZv
Медиуми: Се барал предметот против кавачкиот клан
„Вијести“ утринава објави дека предметот против кавачкиот криминален клан е еден од оние пребарувани во депото на Вишиот суд во Подгорица откако мафијата нашла начин да влезе во просториите на таа институција.
Еден од изворите тврди дека тунелот бил копан најмногу месец и половина. Според овие информации, станот во сутеренот на зградата спроти зградата на судот, сопствениците го издале кон крајот на јули. Акцијата најверојатно била спроведена во август, додека повеќето вработени во државната администрација биле на годишен одмор.
Според еден од соговорниците на весникот, станарите на станот користеле лажни документи. Сопствениците на станот вчера попладне биле сослушани во подгоричката полиција. Сопственичката рекла дека не ги познава луѓето кои го изнајмиле станот.