По најавите за невреме, од ЈП „Водовод“ информираат дека се чистат канализациите на критичните точки во Скопје.
Од претпријатието соопштија дека покрај редовните, спроведуваат и дополнителни активности за расчистување на сливниците и шахтите на критичните точки и сите подвозници во градот, со цел непрекината функционалност на атмосферската канализациска мрежа.
„Екипите на ЈП ‘Водовод и канализација’ – Скопје се подготвени за интервенции и навремени реакции и во текот на утрешниот ден, во согласност со условите и во зависност од интензитетот и количината на водениот талог, со цел задоволување на потребите на граѓаните и градот Скопје“,
се наведува во соопштение од претпријатието.
За утре УХМР најавува нестабилно време со пороен дожд, грмежи и засилен ветер на целата територија на земјата. Невремето се очекува во попладневните и во вечерните часови.