„Ако е толку убеден во тоа што го зборува Јакимовски следниот пат наместо со прашална нека оди со потврдна форма за да може да се докаже вистината пред судовите“, е одговорот на ВМРО-ДПМНЕ на прашањето на градоначалникот на Карпош колку години имал Христијан Мицкоски кога ја изградил својата прва хидроцентрала
ВМРО-ДПМНЕ смета дека денешната прес-конференција на Јакимовски е, како што велат од опозициката партија, мотивирана од концесиите кон ДУИ и кон таткото и синот Ковачевски.
„Тоа што го зборува Стевчо Јакимовски е тоа што му наредил тандемот Ковачевски. Тоа е и причината зошто Јакимовски после 6 години власт на СДС и ДУИ и украдени милијарди збори за ВМРО-ДПМНЕ, а не за она што е изворот на проблемите во државата“,
пишува во соопштението на ВМРО-ДПМНЕ.
Од партијата на Мицкоски го повикуваат Јакимовски ако е толку убеден во во тоа што го зборува, наредниот пат наместо прашална да користи потврдна форма за да може да се докаже вистината пред судовите.
„Навистина е срамен крајот на Јакимовски кој на тие години одлучи да се спушти толку ниско да биде измеќар на синот и таткото Ковачевски, што секако е жално за гледање“,
велат од ВМРО-ДПМНЕ.
Јакимовски денеска, пред партиското седиште на ВМРО-ДПМНЕ, побара Христијан Мицкоски да објасни како го стекнал својот имот во изминатите години.
„Мицкоски да одговори на колку години ја направи својата првата хидроцентрала. Дали тоа беше кога тој е советник во владата на Груевски, дали тоа беше пред да стане директор на ЕСМ, или првата хидроцентрала ја направи откако стана директор на ЕСМ? Да нема забуни – во опис и поис на работните задачи на директорот на ЕСМ стои да гради хидроцентрали и да овозможува снабдување со елетрична енергија, но хидроцентрали за државата и за народот, не за себе. Тој, во овој случај има градено за себе и затоа легитимно е прашањето на колку години тој стекна таков милионски имот“,
праша Јакимовски.