Потпретседателката на Бугарија ја повика Македонија да го исполни условот и да ги впише Бугарите во уставот. Во интервју за „Бугарија он ер“ (Bulgaria ON AIR), Јотова вели дека не постојат никакви други барања, освен тоа што како обврска врз основа на францускиот предлог го имаат преземено Скопје и Софија.
„Многу се надевам дека новата бугарска влада нема да потклекне и ќе продолжи да ја брани бугарската позиција, која повеќепати е потврдена во различни институции. Не сум оптимист бидејќи гледам одредени двоумење и кај нашите европски партнери, како темата за Македонија да е веќе здодевна. Таа може ним да им е здодевна, но за нас тоа е тема од национален интерес за Бугарија“,
рече Јотова во интервјуто.