Од демократската платформа сочинета од актуелни и поранешни функционери на СДСМ, на брифинг во четвртокот рекоа дека тие нема да бидат нова политичка партија, ниту ќе поднесуваат независни листи на парламентарните избори. Новата рунда на разговори им е закажана за денеска во 12:05 часот
Филипче ги обвинува дека сакаат со пуч да ја преземат партијата, додека од ВМРО-ДПМНЕ велат дека за нив нема подобро решение од него за лидер на СДСМ
СДСМ обвинува дека медиуми и новинари блиски до премиерот Христијан Мицкоски медиумски ја „спонзорираат“ платформата сочинета од актуелни и поранешни функционери на СДСМ, која тие ја нарекуваат „ЗНАМ 2.0“. Целта велат оттаму, е да се дејствува против единствениот бастион за слободата, а, според нив, тоа е СДСМ.
„Ги открија сите карти. Орбановите и медиумите на Вучиќ во Македонија. Таканаречени независни аналитичари како ВМРО-овецот Јове Кекеновски. Соработници на БИА. Геро, Ивона, Латас по социјални мрежи. Ботови на СНС. Трол-фарми преку израелска фирма. Затоа и министрите од ЗНАМ 1.0 јавно им даваат поддршка. ЗНАМ 1.0 со јавна поддршка за на ЗНАМ 2.0. Сите заедно против единствениот бастион на слободата – СДСМ. Сите заедно против Филипче, кој секој ден се бори против оваа банда, на терен, со граѓаните, со народот што едвај го врзува крајот со крајот“,
кажа на денешната прес-конференција Богдана Кузевска, портпаролка и членка на Извршниот одбор на СДСМ.
Оттаму објавија примероци од повеќе објави на портали во кои се известува за активностите на платформата.
„Ете, граѓаните сега имаат црно на бело. Тендери за основачите на Платформата „за иднината на Мицкоски“. 1,6 милиони евра. Помалку од Гета. Повеќе од нивната чест. Нема да помине. Готово е со дефокусот. Со лагите. Со црните кампањи. Со Дубаи и Харис Џиновиќ. Доаѓа време на вистина и правда. Сите ќе одговараат. Власта ќе ја вратиме во рацете на граѓаните“,
кажа Кузеска.
Не сме и нема да бидеме нова политичка партија, велат од Платформата
Од демократската pлатформа сочинета од актуелни и поранешни функционери на СДСМ, на брифинг во четвртокот рекоа дека тие нема да бидат нова политичка партија, ниту ќе поднесуваат независни листи на парламентарните избори.
Гордан Георгиев, Андреј Петров, Славјанка Петровска, Игор Ивановски, Никола Ќуркчиев и Емилијан Станковиќ, како претставници на демократската платформа, порачаа дека кај граѓаните постои опозициско расположение, а дека целта на платформата е да почеток во разговорите за окрупнување на опозицискиот фронт, со цел победа над актуелната власт. Новата рунда на разговори им е закажана за денеска во 12:05 часот.
Лидерот на СДСМ, Венко Филипче, н ачленовите на платформата постојано им порачува дека ситнењето на опозицијата не е добро за иднината на државата. Тој го обвини и дека со пуч сакаат да ја преземат партијата.
Од ВМРО-ДПМНЕ велат дека за нив нема подобро решение од тоа Филипче да биде претседател на СДСМ.