Шојгу не го коментира бунтот на лидерот на „Вагнер“, Евгениј Пригожин, и неговото барање да се сретнат во Ростов во саботата, додека конвој на „Вагнер“ патуваше кон Москва
Рускиот министер за одбрана Сергеј Шојгу ги посети руските трупи вклучени во воената операција во Украина, јавија денеска руските медиуми, и тоа е негово прво појавување во јавноста по бунтот викендов на паравоената група „Вагнер“.
Шојгу не го коментира бунтот на лидерот на „Вагнер“, Евгениј Пригожин, и неговото барање да се сретнат во Ростов во саботата, додека конвој на Вагнер патуваше кон Москва.
Руските медиуми објавуваат дека Шојгу се сретнал со генерал-полковникот Никифоров, командант на групата „Запад“.
Шојгу посветил посебно внимание на организацијата за поддршка за војниците вклучени во „специјалната воена операција“ и создавањето услови за безбедно распоредување.
Платениците предводени од шефот на „Вагнер“, Евгениј Пригожин, напредуваа кон Москва за да го отстранат, како што го нарекоа, корумпираното и неспособно руско воено раководство, пред ненадејно да се упатат назад во областа контролирана од Русија во Источна Украина по договорот со Кремљ со посредство на белорускиот лидер Александар Лукашенко.