Експерти од тимот за пребарување и спасување ги анализираат собраните информации, пренесува Би-би-си
Брод со далечински управувач кој трага по исчезнатата подморница „Титан“ пронајде отпадоци во делот за пребарување недалеку од „Титаник“, објави американската крајбрежна стража.
Експерти од тимот за пребарување и спасување ги анализираат собраните информации, пренесува Би-би-си.
„Не е јасно дали овие отпадоци се поврзани со исчезнатата подморница“,
соопшти крајбрежната стража.
A debris field was discovered within the search area by an ROV near the Titanic. Experts within the unified command are evaluating the information. 1/2
— USCGNortheast (@USCGNortheast) June 22, 2023
Брод со далечински управувач кој може да стигне до дното на Атлантикот и да испрати слики на површината е нарачан од француски истражувачи.
Мултинационален тим за пребарување и спасување ја продолжува морската и воздушната потрага по исчезнатата подморница по име Титан.
Претходно денеска беше објавено дека потрагата по подморницата влегла во завршна фаза, бидејќи достигнала граница од 96 часа по што ќе остане без воздух за дишење за петчлениот екипаж.
Гилермо Сонлајн во изјава за Си-ен-ен, зборувајќи од свое име, а не во име на компанијата „ Оушнгејт експедишнс“, рече дека извршниот директор и ко-основач на компанијата, Стоктон Раш, кој е на подморницата, и остатокот од екипажот знаат дека треба да останат смирени што е можно повеќе за да заштедат повеќе кислород и да им дадат на спасувачите повеќе време да ги најдат.
Властите се надеваат дека подводните сондажи би можеле да помогнат да се намали потрагата, бидејќи се проценува дека областа на можната локација е широка илјадници километри и длабока околу четири километри.
Вчера имаше знаци на надеж со оглед дека американските и канадските екипи слушаа звуци, но по неколку часа Американската крајбрежна стража објави дека не успеале да го идентификуваат изворот на звуците.
Туристичката подморница исчезна во неделата во близина на потонатиот брод „Титаник“ во средината на Атлантикот, а целосен траг ѝ се губи еден час и 45 минути по нурнувањето.
Станува збор за подморница која може да се спушти на длабочина од 4 000 метри. Нејзините димензии се 670 сантиметри должина, 280 сантиметри висина и 250 сантиметри широчина. Може да обезбеди поддршка од 96 часа за петчлена екипа. Се движи со брзина од околу 3,5 милји на час, односно 5,6 километри на час.
Освен за носење нуркачи до потонатиот брод „Титаник“, подморницата се користи за истражување и инспекција на локацијата, истражување и собирање податоци, филмска и медиумска продукција и тестирање хардвер и софтвер на длабочина.