Во потрагата помагале куче трагач, Единицата за спасување на планина, полицајци, мештани и роднини
Жена од охридското село Горно Среднорече, која вчера берејќи печурки се изгубила, е пронајдена во раните утрински часови.
Регионалниот Центар за управува со кризи (ЦУК) Охрид, повикувајќи се на информации од СВР Охрид, денеска соопшти дека жената се изгубила во 20:40 часот и дека по целовечерна потрага таа е пронајдена во раните утрински часови во добра здравствена состојба.
Исчезнувањето го пријавил сопругот, кој информирал дека биле заедно да собираат печурки на различни локации низ шума. Кога требало да се сретнат на договореното место, кај нивниот автомобил, жената не се појавила.
Во потрагата била вклучени и Единицата за спасување на планина со куче обучено за пребарување, екипа на полицијата од СВР Охрид, мештани од селото и роднини.