Српскиот претседател додаде дека не ја разбира смислата за одржување на нови избори во општините со мнозинско српско населени во Косово – нешто на што деновиве повикуваат претставници на меѓународната заедница – бидејќи, како што рече, „на нив сигурно ќе победиме, а тие ќе продолжат да нè лажат дека ќе формираат ЗСО, како што нè лажат повеќе од десет години“
Сите на Запад знаат дека Приштина и Албин Курти се виновни за ескалацијата во северот на Косово, но Србија нема никаква корист од тоа, изјави претседателот Александар Вучиќ во гостувањето на ТВ Прва, говорејќи за тензиите во косовските општини со мнозинско српско население.
„Курти знае дека што и да прави, Американците, Англичаните и Германците ќе бидат за тоа дека независноста на Косово мора да се зачува, дека Србите во ниту еден момент не смеат да го загрозат територијалниот интегритет и суверенитет на Косово, дека не смее да се дозволи до 1 000 српски војници и полицајци да се вратат на Косово, да не се дозволи вистинска автономија на Србите на Косово“,
изјави Александар Вучиќ во гостувањето на ТВ Прва.
Говорејќи за кризата во Косово, Вучиќ додаде дека ситуацијата за Србија е комплицирана бидејќи, како што рече, може да ескалира секој ден со оглед на тоа што косовскиот премиер Албин Курти нема да престане да испраќа специјални полициски сили во општините со мнозинско српско население.
„Нему не му е проблем што некој друг ќе војува. Тој нема. Тој сака Србија и НАТО да влезат во конфликт. Сè освен да влеземе во конфликт со НАТО е во наш интерес. А, мораме да му помогнеме на нашиот народ – затоа ситуацијата во која се наоѓаме е комплицирана“,
рече тој.
Додаде дека видеата од инцидентите на северот на Косово не покажуваат кој го започнал конфликтот, но за тоа ја обвини косовската полиција, а не НАТО.
Српскиот претседател додаде дека не ја разбира смислата за одржување на нови избори во општините со мнозинско српско населени во Косово – нешто на што деновиве повикуваат претставници на меѓународната заедница – бидејќи, како што рече, „на нив сигурно ќе победиме, а тие ќе продолжат да нè лажат дека ќе формираат ЗСО, како што нè лажат повеќе од десет години“.
Доколку Србите ја имаат локалната власт во овие општини, Вучиќ смета дека тензиите барем малку ќе се намалат.
Српскиот претседател изјави дека не знае кое е решението деескалација на тензиите со Косово, но додаде дека сака да ги слушне предлозите на западните претставници кои идната недела ќе допатуваат во Белград.
Идната недела, како што објави регоналниот сервис на Радио Слободна Европа (РСЕ), во посета на Белград и Приштина ќе бидат специјалниот претставник на Европската Унија, Мирослав Лајчак, и заменик-помошникот државен секретар на САД и специјален претставник за Западен Балкан, Габриел Ескобар.
Нивната посета доаѓа во време на тензии на северот на Косово, каде групи локални Срби во општините Звечан, Лепосавиќ и Зубин Поток веќе една недела протестираат поради новоизбраните албански градоначалници. Тие беа избрани на вонредни локални избори, кои Србите ги бојкотираа и чии резултати не ги признаваат.