Француските ученици годинава нема да полагаат матурски испит поради пандемијата на коронавирусот, што се случува првпат во последните повеќе од двесте години.
Францускиот министерот за образование Жан-Мишел Бланкер, како што пренесува МИА, најави дека се откажува „бакалореа“, односно завршниот матурски испит..
Учениците од последна година во средно училиште ќе можат да добијат диплома заснована на оценки од пред и евентуално по затворањето на училиштата поради коронавирусот.
Околу 740 000 ученици во Франција требаше да полагаат матура оваа година.
Бланкер рече дека училиштата нема да бидат отворени пред мај, а може и подоцна.
Матурскиот испит во францускиот училиштен систем е воведен во 1808 година и е неопходен за прием на универзитети.