Ако кандидатот не го помине макар едниот од овие тестови, колку и да e добар правник, може да се збогува од судиското или од обвинителското столче, или барем да чека следен оглас и повторно да конкурира за упис во Академијата, пишува „Призма“ во својата најнова анализа
Најголемиот губитник е довербата во процесот на избор
Единствената порта за да се стане судија или обвинител во Македонија е преку Академијата за судии и јавни обвинители „Павел Шатев“. Друг пат – нема.
Oние што сакаат да делат правда или да гонат криминалци, мора да поминат неколку филтри на проверка. Освен правен факултет, искуство и познавање странски јазик, на патот им се поставени и две големи „рампи“, психолошки тестови и тестот за интегритет.
Тие „барикади“ се на самиот почеток на селекцијата, a целта е уште од старт за судии и обвинители да поминат само тие што совесни, етични и непоткупливи.
Ако кандидатот не го помине макар едниот од овие тестови, колку и да e добар правник, може да се збогува од судиското или од обвинителското столче, или барем да чека следен оглас и повторно да конкурира за упис во Академијата, пишува „Призма“ во својата најнова анализа.
БИРН разговараше со такви кандидати.
Нивните сведоштва ги засноваат на фактот дека ова се единствените тестови за кои не е дозволен приговор, ниту им се дозволува да направат увид во напишаното. Или, со ситуација, во која, кандидат една година го поминува тестот за интегритет, а веќе следната година неговиот интегритет „не задоволува“.
Еден од нив се сомнева дека овие тестови, наместо за вистинска проверка на психата и интегритетот, служат за „елиминирање“ кадри, односно како метод за фаворизирање.
Целата анализа можете да ја прочитате ТУКА.
Фото: БИРН