Тој го оправдува со тоа дека властите во Република Српска имале институционална одговорност да ги сочуваат традиционалните и семејните вредности
Лидерот на босанските Срби, Милорад Додик, најави дека власта во Република Српска со нов закон ќе им ги ограничи правата на активистите на ЛГБТИ-заедницата со тоа што ќе им забрани пристап до образовните институции.
„Нема да може да се приближат, нема да може да вршат пропаганда“,
вели Додик во интервју за локалната ТВ К3.
Воведувањето на ваков закон тој го оправдува со тоа дека властите во Република Српска имале институционална одговорност да ги сочуваат традиционалните и семејните вредности.
Во вест на веб-страницата на оваа телевизија пишува дека законската забрана на овие лица ќе се однесува на училиштата и градинките, но сепак има многу неодговорени прашања.
Нејасно е, пишуваат тамошните медиуми, дали ЛГБТИ-активистите ќе имаат право да го носат и земаат децата од школо.
Ова е само уште еден контроверзен потег на властите во Република Српска изминатиот период.
Вчера тамошната влада одлучи да ја прекине соработката со амбасадите на САД и Велика Британија, на што американската страна реагираше дека Република Српска тргнала по многу опасен пат. Додик инаку е на црната листа на овие две држави од 2017 односно 2022 година.