Министерот за финансии на покраината Eсен, Томас Шефер, си го одзел животот поради пандемијата со коронавирусот, пренесува Дојче Веле.
Полицијата се сомнева дека Шефер извршил самоубиство во очај поради проблемите со кои се соочува владата во неговата покраина предизвикани од кризата со коронавирусот.
Телото на 54-годишниот Шефер, кој беше член на Демохристијанската Унија (ЦДУ) на канцеларката Ангела Меркел, беше пронајдено во саботата во близината на железничката пруга југозападно од Франкфурт.
Полицијата и обвинителството велат дека според сите аспекти, вклучително и испитувањето на сведоците, заклучиле дека се работи за самоубиство.
Германската политика е длабоко потресена од смртта на Шефер, кој се сметаше за наследник на долгогодишниот премиер на Хесен, Фолкер Буфие.