Патничките возови нема да сообраќајот во текот на претстојниот викенд. „Железници – транспорт“ го измени возниот ред за деновите од викендот, откако Владата вчера донесе одлука да го ограничи движењето на граѓаните во сабота и во недела, како дополнителна мерка за спречување на ширењето на коронавирусот.
„Исклучок од ова ќе бидат само возовите, 661 од Кичево и 645 од Велес, кои во сабота наутро пристигнуваат во Скопје, откако ќе преспијат во наведените градови, и кои ќе сообраќаат по возниот ред од 23.3.2020 година“,
соопшти денеска„ Железници – транспорт“.
Оттаму известуваат дека во понеделник (30.03.2020 година), возот 661 од Кичево нема да сообраќа бидејќи претходната вечер нема да отпатува воз поради полицискиот час.
Останатите возови, од понеделник, во текот на работните денови, ќе сообраќаат по возниот ред објавен на 23 месецов.