Од потребните 218, Мекарти доби само 203 гласа во два круга гласање во домот кој е под контрола на републиканците – помалку дури и од демократот Хаким Џефрис. Резултатот во третиот круг беше уште полош, кога Макарти загуби 20 гласа, а тензиите се зголемија
Поранешниот американски претседател Доналд Трамп ги повика екстремнодесничарските републиканци да прекинат со блокирањето на кандидатот на партијата да стане претседател на Претставничкиот дом на САД откако штетната поделба го спречи Кевин Мекарти да биде назначен на таа функција.
„Сега е време сите наши големи републикански членови на Претставничкиот дом да гласаат за Кевин, да го затворат договорот и да победат. Републиканци, не претворајте голем триумф во џиновски и срамен пораз“,
објави Трамп на социјалните мрежи.
Откако синоќа не успеаја ни во третиот обид да го изберат републиканскиот лидер Кевин Мекарти за претседател на Претставничкиот дом на САД, конзервативците го одложија гласањето.
Изненадувачкиот потег на крајот на првиот ден на новиот состав на Конгресот покажа дека на Мекарти нема да му биде лесно да се бори за претседателската функција со оглед што има противења и во сопствената партија.
Од потребните 218, Мекарти доби само 203 гласа во два круга гласање во домот кој е под контрола на републиканците – помалку дури и од демократот Хаким Џефрис. Резултатот во третиот круг беше уште полош, кога Макарти загуби 20 гласа, а тензиите се зголемија.