Скопските пожарникари го гаснеа пожарот со шест противпожарни возила
Пожарот што утрово избувна во казино во Ѓорче Петров, во близина на старото кино, е изгаснат, а во него нема ниту повредени ниту жртви.
Покрај потврда од противпожарната единица, дека нема човечки жртви посочи и градоначалникот Александар Стојкоски.
Тој кажа и оти станува збор за приватен, а не општински објект.
Во гаснењето учествуваа шест противпожарни возила.
Сообраќајот во овој дел од општината се одвиваше отежнато и беше пренасочуван.